Evangelium Secundum Marcum*
Caput 15: Versus 20
Ut crucifigerent.[HIER.]Ipsa crucis species quid est nisi forma quadrati mundi? Oriens de virtute fulget, arcton dextera tenet, auster laeva consistit, occidens sub plantis firmatur. Unde Apostolus:Ut sciamus quae sit latitudo, longitudo, sublimitas et profundum[Ephes. 3.]. Aves in forma crucis ad aethera volant, homo adorat, et natat in forma crucis, navis per maria antenna cruci assimilata sufflatur. Tau littera signum salutis et crucis demonstrat.